سویڈش ماہر زرعی تحقیق کے لیے جی پی آئی کے ساتھ تعاون کرے گا۔

سویڈن کے زرعی ماہر سائنسدان ڈاکٹر مو سیگڈ نے گرین پاکستان انیشی ایٹو کے سینئر حکام کے ساتھ میٹنگ کی۔

ملاقات کے دوران انہیں SIFC کے تحت قائم گرین پاکستان انیشیٹو کے مختلف شعبوں بشمول زراعت، لائیو سٹاک اور سیاحت کے بارے میں بریفنگ دی گئی۔

سویڈش ماہر نے گرین پاکستان انیشیٹو کے ساتھ مل کر تحقیق اور ترقی کے ذریعے زراعت کے فروغ کے لیے کام کرنے پر آمادگی ظاہر کی۔

گرین پاکستان انیشیٹو صحرائے چولستان کی بنجر زمین کو زیر کاشت لانے میں کلیدی کردار ادا کر رہا ہے جس کا ہدف اگلے چند سالوں میں چالیس لاکھ ہیکٹر سے زائد کاشت کرنا ہے۔