PDMA نے پنجاب کے لیے ہیٹ ویو الرٹ جاری کر دیا۔
پاکستان ڈیزاسٹر مینجمنٹ اتھارٹی (پی ایم ڈی اے) نے پنجاب میں ہیٹ ویو الرٹ جاری کر دیا ہے۔
تفصیلات کے مطابق پی ڈی ایم اے نے صوبہ پنجاب میں ایک ہفتہ طویل ہیٹ اسٹروک (21 سے 27 مئی) کی وارننگ دیتے ہوئے لوگوں کو مشورہ دیا ہے کہ وہ دوپہر کے وقت بلا ضرورت باہر نکلنے سے گریز کریں۔
بہاولپور، رحیم یار خان، ڈیرہ غازی خان اور ملتان کو شدید ہیٹ ویو کا سامنا ہوسکتا ہے، پی ڈی ایم اے الرٹ نے انتظامیہ کو اسپتالوں میں ہیٹ ویو کاؤنٹرز قائم کرنے کی ہدایت کردی۔
انتظامیہ کو ہدایت کی گئی ہے کہ ہیٹ ویو کے مریضوں کے علاج کے لیے ضروری ادویات کی دستیابی کو یقینی بنایا جائے۔
پنجاب کے مختلف علاقوں میں آئندہ ہفتے درجہ حرارت 46 ڈگری سینٹی گریڈ تک جانے کا امکان ہے۔
ملک کے کچھ حصے شدید گرمی کی لپیٹ میں ہیں۔
اس سے قبل وفاقی حکومت نے موسمیاتی تبدیلی ایکٹ 2017 کے تحت ملک کی پہلی "کلائمیٹ چینج اتھارٹی” قائم کی تھی۔
سپریم کورٹ کے تین رکنی بینچ نے اپنے فیصلے میں وفاقی حکومت کو گلوبل وارمنگ اور ماحولیاتی انحطاط کے خطرے سے نمٹنے کے لیے کلائمیٹ چینج اتھارٹی قائم کرنے کی ہدایت کی تھی۔
موسمیاتی تبدیلی ایکٹ 2017 میں کہا گیا ہے کہ اتھارٹی کا ہیڈ کوارٹر اسلام آباد میں ہوگا اور وہ ضرورت کے مطابق دیگر مقامات پر اپنے دفاتر قائم کر سکتی ہے۔
