چین میں گرم موسم کا ریکارڈ توڑ حملہ

• بعض ایام  میں درجہ حرارت 40 ڈگری سے زیادہ ہونے سے ملک کے شمال میں 200 ملین سےزائد لوگ متاثر ہوئے ہیں

سی این این کی خبر  کے مطابق  ملک میں  گزشتہ 6 ماہ میں ریکارڈ سطح پر گرمی  پڑی رہی ہے۔

قومی موسمیاتی مرکز کی جانب سے جاری بیان میں کہا گیا ہے کہ گزشتہ سالوں کے مقابلے اس سال ملک میں گرمی کی چار زیادہ موثر لہریں آئی ہیں۔

ملک میں اوسطاً 35 ڈگری سینٹی گریڈ ساتھ 1961 کے بعد سے گرم ترین موسم گرما  کا سامنا ہے۔

بعض ایام  میں درجہ حرارت 40 ڈگری سے زیادہ ہونے سے ملک کے شمال میں 200 ملین سےزائد لوگ متاثر ہوئے ہیں۔

محکمہ موسمیات  کے سربراہ کاؤ بنگ نے کہا  ہےکہ شدید گرمی کا تعلق ال نینو موسمی واقعات سے ہے اور اسی وجہ سے ملک کے جنوب میں موسم گرما میں بارش اور شمال میں خشک سالی میں اضافہ ہوا ہے۔

ملک کے شمال میں درجہ حرارت میں مزید اضافہ متوقع ہے۔

چین کے جنوب مغرب میں اس آفت کی وجہ سے 10,000 افراد بے گھر ہوئے، جسے "گزشتہ 50 سالوں کا بدترین سیلاب” قرار دیا جاتا ہے۔

سیلاب کی تباہ کاریوں میں تقریباً 70 مکانات تباہ ہو گئے۔ ابتدائی اندازوں کے مطابق نقصان کا تخمینہ کم از کم 79ملین ڈالر ہے۔

اس آفت میں ابھی تک کسی جانی نقصان کی اطلاع نہیں ہے۔