صوبہ خیبر پختونخوا کی حکومت کا سیلاب پر قابو پانے کے لیے دریائے سوات پر ڈیم تعمیر کرنے کا فیصلہ

پشاور:  پاکستان میں تباہ کُن سیلاب کے بعد، صوبہ خیبر پختونخوا کابینہ نے بنجر زمین پر کاشت کاری اور سیلاب پر قابو پانے کے لیے دریائے سوات پر ڈیم تعمیر کرنے کا فیصلہ کیا ہے۔

ریڈیو پاکستان کے مطابق وزیراعلیٰ محمود خان کی زیر صدارت وفاقی کابینہ کا اجلاس منگل کو پشاور میں منعقد ہوا۔

کابینہ کے فیصلوں کے بارے میں میڈیا کو بریفنگ دیتے ہوئے وزیراعلیٰ کے معاون خصوصی بیرسٹر محمد علی سیف نے بتایا کہ کابینہ نے بلدیاتی نمائندوں کو اعزازیہ کی فراہمی کے لیے تقریبا پندرہ سو ملین روپے کی منظوری دی ہے۔

معاون خصوصی نے کہا کہ کابینہ نے تباہ کن سیلاب سے صوبے بھر میں تباہ شدہ انفراسٹرکچر کی بحالی پر توجہ دینے پر اتفاق کیا۔

صوبائی کابینہ نے وفاقی حکومت سے سیلاب متاثرین کے لیے اعلان کردہ دس ارب روپے جاری کرنے کا مطالبہ کیا تاکہ سیلاب زدگان کو جلد از جلد معاوضے کی فراہمی کو یقینی بنایا جا سکے۔