ڈیجیٹل واٹر سمٹ2022 : پانی کے شعبے کی ڈیجیٹلائزیشن  کے متعلق تحقیق اور ٹیکنالوجی کا اجلاس اسپین میں  ہو گا

اسلام آباد: آئی ڈبلیو اے ڈیجیٹل واٹر سمٹ 2022 ، عالمی آبی شعبے کی ڈیجیٹلائزیشن کی ترقی کے لئے ڈیزائن کردہ مقبول سربراہی اجلاس اور نمائش ، 29 نومبر سے 02 دسمبر ، 2022 تک اسپین کے  خوبصورت شہر ، بلباؤ ،  میں منعقد ہوگی۔

 اپنے منفرد موضوع ” تبدیلی کے سفر میں شامل ہوں” ڈیجیٹل واٹر سمٹ 2022 کو انٹرنیشنل واٹر ایسوسی ایشن کی حمایت حاصل ہے۔

 اس عالمی  نمائش میں پانی کے شعبے کی ڈیجیٹلائزیشن سے وابستہ تمام اسٹیک ہولڈرز، پانی کے ساتھ جُڑے کاروبار  اداروں سے لے کر  آبی صنعت تک، واٹر ٹیکنالوجی فراہم کرنے والوں سے لے کر آبی  وسائل اور افادیت    کی تحقیق  کرنیوالوں تک کو سمیٹ  کراس نمائش کے پہلے  ایڈیشن کے ایجنڈے پر تبادلہ خیال اور تشکیل دینے کی دعوت دی گئی ہے۔

سرکاری ذرائع کے مطابق دنیا بھر سے ڈیجیٹل واٹر پالیسی میکرز، یوٹیلٹی ایگزیکٹوز اور معروف ماہرین اس  آبی نمائش میں شرکت کریں گے۔ بڑے اعداد و شمار کے حل سے لے کر ڈسٹری بیوشن نیٹ ورک کے اعلی درجے کے انتظام سے لے کر ڈیجیٹل کسٹمر مصروفیت کے پروگراموں تک ، تقریبا تمام  آبی افادیت  سے متعلق  تمام موضوعات  یہاں زیر بحث ہوں گے جس کا مقصد پانی کے سیکٹر  میں ہونے والی  ڈیجیٹل تبدیلی کے سفر پر توجہ مرکوز کرنا ہے۔ منتظمین کے مطابق، اگرچہ تبدیلی ہمیشہ آسان نہیں ہے، پانی کے عمر  رسیدہ بنیادی ڈھانچے، پانی میں ہونے والی ناکافی سرمایہ کاری، بدلتی ہوئی  موسمیاتی تبدیلیاں اور ڈیموگرافکس کے ساتھ، پانی کو اب صرف ایک ‘ طاقت’ کے طور پر نہیں بلکہ ایک زندگی کی بقا کےلیے ایک لازم و ملزوم جُز کے طور پر دیکھا جانا چاہیے.

اس    اہم اجلاس میں ایک اعلی درجے کی نمائش  بھی شامل ہے اور   جس کا تعلق  پانی سے وابستہ کاروبار اور صنعت پر مرکوز  ہے ، جبکہ ٹکنالوجی فراہم کرنے والے اور زمین کے  پانی کی افادیت  جیسے کلیدی موضوعات پر شرکاء  اپنے خیالات کا اظہار  کریں گے جو  کہ سربراہی اجلاس کے ایجنڈے  اہم جُز ہوں گے۔ اس پروگرام میں  پانی سے متعلق  تحقیقی مباحثے،  پانی کے متعلق ٹیکنالوجی کی نمائش، تکنیکی دورے اور کئی سماجی تقریبات  بھی شامل  ہیں۔

یہ سربراہی اجلاس خطے میں پانی کی افادیت پر کام کرنے والا ادارہ (کنسورسیو ڈی اگواس بلباؤ بزکایا) اور اسپین میں آئی ڈبلیو اے گورننگ ممبر (اے ای اے ایس) کے ذریعہ مشترکہ  تعاون  سے منظم کیا گیا ہے۔

تحریر: ایم۔اے

موسمیاتی تبدیلیاں#